Piujuartitsineq, ESG aammalu nunarsuaq tamakkerlugu anguniakkat Kalaallit Nunaanni – Pikkorissarneq 2023

Suliffeqarfimmi suliniutit nunarsuaq tamakkerlugu anguniakkanut, ESG-mut aammalu piujuartitsinermut sammivillit aqutsisuuffiginissaanut pikkorissarit!

Piujuartitsinermut suliniutinik aqutsinissamut piginnaasaqartunik – suliffeqarfiit akornanni aammalu pisortat suliffeqarfiutaanni sulisoqarnissaq aatsaat taama Kalaallit Nunaanni ersaritsigisumik inuttassarsiuunneqartalerpoq. Pikkorissarneq una illit massakkut suliffigisanni, Namminersorlutik Oqartussani kommunemi imaluunniit kattuffimmi atorfeqartuusumut naleqqussarlugu ilusilersugaavoq.

Ullut qulingiluat ingerlanerini teori aallaavigalugu ataatsimoortumik paasinnittaaseq kiisalu periusissiornermut, suliniutit tulluarsarnerinut, suliniutit pillugit nalunaarusiornermut sakkussannik atoriaannarnik pikkorissassaatit – sammisaqarnerullu saniatigut ilissi suliniutissassinnut Kalaallit Nunaanni aammalu Nunani Avannarlerni suliffeqarfiit suliniutaanniit isumassarsiorfiusinnaasunik aamma pissarsiaqassallusi!

Maannamut Kalaallit Nunaanni piujuartitsinermik ambassadør-itut taallugit suliniuteqarsinnaasut 100-niit amerlanerusut pikkorissarsimavagut. Pikkorissaaneq tallimassaa ingerlatilerparput – Kalaallit Nunaannilu soqutigisaqaqatigiinni peqataasartut taamaalillutik amerliartorput. Pikkorissaanermi ilinniartitsissutigineqartut CBS Executive, København-imi MBA-mik ilinniakkamut naapertuupput.

Pikkorissaaneq CSR Greenland-ip IPUK-mik taallugu suliffeqarfinnut ingerlassimasaanut toqqaannartumik suliniutinut atugassanik pikkorissaanermut naapertuupput, matumanilu pikkorissarnermi piujuartitsinermik suliaqarnermi maligassiuisuusut, tunngaviit aammalu sammisami oqallinnerit sammivii qaavatigut paasisaqarfigalugit pissarsiassannut ilaapput.

Suna pissarsiarissaviuk?

Pikkorissaanerup kingorna uku piginnaasaqarfigilersimassavatit:

• Taaguutit pingaanerit kiisalu piujuartitsineq, Nunarsuaq tamakkerlugu anguniakkat aammalu ESG-mik teori tunngaviusumik najoqqutarineqartut paasisaqarfigalugit, ilanngullugit sammineqartuni tunngaviusumik isiginnittaatsit aammalu najoqqutassat ilisimasaqarfigilerlugit kiisalu qanoq atorneqarnissaat paasillugit
• Sammisat uku paasisaqarfigalugit aammalu suleriarfigisinnaallugit; silap pissusia, avatangiisit, inuttut pisinnaatitaaffiit sulisoqarnermi atukkat aammalu peqquserluttuliunnginnissaq – kiisalu suliffissinni avatangiisinut, silap pissusaanut, inuttut pisinnaatitaaffinnut sulisoqarnermi atukkanut aammalu peqquserluttuliunnginnissamut suliniutissatut naleqquttut nassaariniarnerini isumassarsigit
• Pingaarnersiukkatut suliniutissani iliuusissat aammalu periusissat naleqquttut atornissaat kiisalu piujuartitsineq pillugu suliniuteqarnermi periarfissani navialaffiusinnaasut aammalu periusissiami najoqqutassat qanoq sulissutigineqarnissaanut sungiusarneq suleriarsinnaanerlu
• Suliffippit piujuartitsinermik sammivilimmik sunniutai suunersut qulaajarlugit aammalu misissorlugit kiisalu ilissinnut suliniutissat pingaarnersiorlugit nalilersorlugillu, suliassinnullu soqutigisaqaqatigiit piumasaqaatigisaat aammalu naatsorsuutigisaat paasissallugit – kiisalu paasissutissat aallaavigalugit suliniuteqarneq suliniutillu iluanni immikkoortunut nalunaarsueriaaseq, minnerunngitsumillu naleqquttumik isumalimmillu suliniutit ilusilersorlugit aammalu piviusunngortillugit taakkununngalu suliniutigisassinnut soqutigisaqaqatigiit piumasaqaatigisaat naatsorsuutigisaallu naleqqussarlugit
• Suliniutissinnut anguniagassat kiisalu KPI’nik ilusilersuineq aammalu ESG CSR-lu pillugit nalunaarusiornermi piumasaqaatit periarfissallu assigiinngitsut piujuartitsineq pillugu nalunaarusiornermi najoqqutarineqarsinnaasut paasillugit taakkualu avammut paasissutissiinermut atorneqarsinnaaneri paasisaqarfigalugit.

Sammineqartut saniatigut allaniit isumassarsiatsialannik pissarsinissat kiisalu soqutigisaqaqatigiinnik piujuartitsinermik suliniutinik sammisaqartunik naapitsinissat neriorsuutigisinnaavarput.

Akia: 26.500 kr.

Akiliutigisanni uku pissarsiarissavatit ulluni arfinilinni pikkorissarneq, ullut marluk paasisassarsiorluni angalaneq, ilinniartitsissutigineqartut (atuakkat qallunaatuut marluk), pikkorissaaneq qaffasissoq pikkorissaasut immikkut Kalaallit Nunaannut ilisimasaqartut, saqqummiisussatut qaaqqusat immikkut ilisimasallit kiisalu ulluni pikkorissarfiusuni ullup qeqqasiornerit. København-imut paasisassarsiorluni angalanermi aningaasartuutit peqatanissamut akiliummi ilaanngillat.

Suliffeqarfimmit ataatsimiit peqataaniarlutik nalunaartut marluuppata imaluunnit amerlaneruppata tamakkiisumik akiliisup saniatigut peqataasut 50%-mik akikillisaavigineqassapput. Suliffeqarfiit kaammattorneqarput akikillisaaneq atorluarlugu sulisunik arlariinnik peqataatitaqassasut – piujuartitsineq pillugu suliniuteqarnermi arlariiulluni suleqatigiinneq isumasioqatigiittarnerlu ajornannginnerummat, suliniutit assigiinngitsunik sammiveqartumik eqqartorneqarsinnaammata aammalu suliffeqarfimmut naleqquttumik suliniuteqarnissaq ajornannginnerulissammat.

Nalunaarfissaq: 16. januar 2023 csr@csr.gl -mut

Nalunaarneq 16.1. atuuttussaatinneqassasoq malugiuk.

Pikkorissaaneq Nuummi  31. januar –3. februar Sulisitsisuni ingerlanneqassaaq aamma 14. –17. marts 2023 København-imi.

Uani paasisaqarnerugit.