CSR Greenlandip logoa atsiorninnut ilaatiguk

Ulloq saqqummerfia 6. December 2022

CSR Greenlandimi ilaasortat peqatigiiffiup logoa ussassaarinerminni, saqqummersitaminni, nittartakkaminni assigisaanilu atorsinnaavaat aamma emailikkut atsiornerminni.

Qalipaatit atorneqartut pillugit paasissutissat pissarsiarineqarsinnaapput uunga saaffiginninnikkut: csr@csr.gl

Allat, tusagassiortut ilanngullugit piumaffigineqarput CSR Greenlandip allattoqarfianut saaffiginneqqullugit peqatigiiffiullu logoa suna siunertaralugu atornissaanut kissaateqarnersut paasissutissiissutigalugu. Saaffiginninneq pissaaq uunga: csr@csr.gl

Logo pillugu

Ataani takutinneqartututtu logo qalipaatissaminik qalipaateqarluni aamma negative-itut atorneqarsinnaavoq. Logop ilisarnaatigivaa tumaasaq cirkeli Kalaallit Nunaattullu ilusilersukkamik toorneeralik aamma imarivaa naqinnerit CSR, naalisagaasoq Corporate Social Responsibility-mit. Logo peqatigiilluta peqatigiinnernik pitsaasunik iluaqutaasunillu pilersitseqatigiissinnaanitsinnut assersuutaavoq aamma isumaginnittoqarfiit akimorlugit oqaloqatigiissinnaasugut aammalu kivitseqatigiilluta piujuartitsineq aallaavigalugu ineriartorneq pilersissinnaagipput.

CSR Greenlandip logoi assigiinngitsunik qalipaateqarput:

Una toorlugu logot tamarmik aakkit

CSR Greenlandip logoa atsiorninnut ilaatilernissaanut ilitsersuut

Nangaassuteqarneq

CSR Greenlandip logoi peqatigiiffiup siunertaanut naapertuutinngittunut siunertaqartunut, suliniutinut aaqqissuussanullu atorneqaqqusaanngilaq. Logo paatsiveerussaataasunut siunertaqartunut aamma atorneqaqqusaanngilaq.

Peqatigiiffiup logoa eqqunngitsumik atorneratigut toqqaannartumik toqqaannanngitsumilluunniit annaasaqaataasunut ajoqutaasinnaasunulluunniit CSR Greenland peqatigiiffittut akisussaatinneqarsinnaanngilaq.

Peqatigiiffiup logoanik atuisup iliuuseqarnera imaluunniit iliuuseqarsimannginnera toqqammavigalugu inuit allat/pingajuat piumasaqaataannut CSR Greenland akisussaatinneqarsinnaanngilaq

Nutaarsiassat Kingulliit