
Kalaallit Nunaat Saligaatsoq 2023
CSR Greenland sumiiffinni tamani Saligaatsoq 2023 ingerlannissaanut suleqatissarsiorpoq
Avatangiisivut saligaatsuutinnissaat tamatta akisussaaffigaarput
Ukiut tamaasa CSR Greenlandip suliniummi Saligaatsumi anguniartarpaa nuna tamakkerlugu saliisitsisoqarnissaa.
Ukioq kingulleq illoqarfiit 16-it nunaqarfiillu 43-it
Saligaatsumut peqataapput. Suliassaq taanna kisimi kivinneqarsinnaavoq sumiiffinni tamani suleqatigiinneq aallaavigalugu.
Taamaattumik soqutigisaqartunut ammasumik suleqatigiinnissamut qaaqqusivugut.
Neriullutalu suleqatigiinnissamut peqataarusuttut saaffiginnikkumaartut.
Uani Saligaatsoq ingerlannissaanut ilitsersuuteeraq atuarneqarsinnaavoq
Pingaaruteqarporli saliisitsinissaq sumiiffigisamut tulluarsarnissaa.
IMATUT IKIUUTTORQARSINNAAVOQ
Kommuniugaanni
- Eqqakkat akeqanngitsumik tigoorarlugit
- Eqqakkanik assartuinermut ikiuulluni
- Sumiiffinni mikinerusuni puussiarsuarnik aaqqateralaanillu tapersiilluni
Suliffeqarfiugaanni
- Pilersaarusioqataasussanik peqataatitsilluni
- Aningaasaliilluni pisariaqartitanilluunniit tapersiilluni
- Ullormi saliiffiusumi suliassanik ikiuutaalluni
Peqatigiiffiugaanni
- Peqatigiiffiup ilaasortai saliisitsinermut peqataanissamut kaammattorlugit
Nammineq kajumissutsimik peqataarusukkaanni
- Pilersaarusioqatigiinnut peqataalluni sumiiffimmiluunniit ataqatigiissaarisoqanngippat ataqatigiissaarisutut suliassaq akisussaaffigalugu
Meeqqanik inuusuttunillu sullitaqaraanni
- Meeqqanut inuusuttunullu eqqakkat pinngortitami sunniutai pillugit qaammarsaaneq
Inussiarnersumik inuulluaqqusillunga
CSR Greenland
Jens Kreutzmannip Aqqutaa 3
3900 Nuuk
Email: csr@csr.gl
Oqarasuaat / Telefon: 36 37 18
#saligaatsoq