GLOBAL COMPACT-IP ATTAVEQAQATIGIINNUT CARLSBERG-IMI NAAPEQATIGIISSITSINERANIIT

Kalaallit Nunaanni suliffeqarfiit katillugit arfineq marluusut FN-ip Global Compact-imik taallugit suliffeqarfiit akisussaassusilimmik ingerlatsinermut najoqqutassiai malinniarlugit atsiorsimapput.

Atsioqataasunit nunat avannarliit attaveqaqatigiinnermik naapisitsisarnerannut peqataanissamut periarfissaq atuuppoq, tamannalu CSR Greenland-ip GrønlandsBANKEN-illu Københavnimi novemberimi ukiumoortumik naapittoqarmat peqataaffigaat.

Carlsberg aaqqissuussinermi qaaqqusisuuvoq, naapeqatigiinnerlu avatangiisini nuannersuni gamle Carlsberg Museum-imi ingerlanneqarluni, oqalugiartunut ilaallutik Carlsbergip pisortaanera Jacob Aarup-Andersen, Novozymes-ip pisortaanera Ester Baiget kiisalu CBS-imi professoriusoq Andreas Rasche. Naapeqatigiinnerup imaarisaanut ESG kiisalu piujuartitsinermi EU-imit inatsit maleruagassat annertusiartuinnartut, aningaaseriviit kiffartuussinerminni ESG-nik aallaavilinnik suliffeqarfinnut piumasaqaataat annertusiartuinnartut kiisalu aamma piujuartitsinermik ingerlatsinermi niuernikkut suliffeqarfinnut periarfissarpassuit pinngorartut sammineqarput.

Asseq: Anne Mette Christiansen, CSR Greenland/ Rambøll & Maja Marie Lyberth, GrønlandsBANKEN-imi ESG pillugu akisussaasoq