TELE-POST Coding class
Piareersaatigalugu sammineqartoq iluatsilluarsimavoq, tamanna qujanartumik pisinnaasimavoq TELE-POST-ip aamma Kommuneqarfik Sermersuup suleqatigiilluarnerisigut. Kalaallit Nunaanni siullersaallutik 7. klassimi atuartut Kangillinnguit Atuarfianniit Coding Class ingerlassimavaat, sap.ak. 43-imi.
Ullut 5-it atorlugit atuartinneqarnerminni atuartut inuunermi piviusut tunngavigalugit – ajornartorsiutinut tunngasut kodning iluaqutigalugu sammisimavaat. Ajornartorsiut qanngerniarlugu ilusilersuisimapput aamma kode aaqqinniarlugu programmi ”Scratch” atorlugu, tamatumalu kingorna ajornartorsiut iluarsiniarlugu aaqqiissut TELE-POST-imut saqqummiussimavaat. Coding Class-imut ataqatigiissaarisoq, Tanja Christensen TELE-POST-imeersoq imatut ingerlasimanerat nassuiaaffigaa:
“Meeqqat qiimmatsassimapput tanngassimaarlutillu. Annertuumik isummersuisoqarsimavoq takullugit, suliamut qanoq ajornaquteqanngitsigisumik isersimanerat. Teknologimut isumassarsiorluarlutik isersimapput maannakkullu kode-imik pilersitsinissamik ilikkarsimapput, digitalimillu atuineq annertunerusumik paasisaqarfigilersimallugu”.
Ingerlanera pissanganarsimavoq aamma suliffeqarfik, kommune atuarfillu suleqatigiilluarsimapput.
Piareersaatigalugu sammisap siulliup Kalaallit Nunaanni kodning pillugu atuartitsineqTELE-POST, atuarfiit, Kommuneqarfik Sermersooq aamma Coding Class Danmark suleqatigalugit pissanganarsimavoq. TELE-POST-imi pisortaaneq, Kristian Reinert Davidsen aamma Kommuneqarfik Sermersuumi borgmester-i, Charlotte Ludvigsen Coding Class-imi atuartitsinerup ingerlanerani peqataanissaminnut periarfissaqarsimapput.
Kristian Reinert Davidsen, TELE-POST-imi pisortaaneq:
“Coding Class-p Kalaallit Nunaannut eqqunneqarnera takullugu ajunngeqaaq. Meeqqat isaasa qaammarneri, kodninnngimik suliaminnik takutitsinerminni taava siunnissaq TELE-POST-iinnaanngitsumut qaamanerulerpoq, pikkorissorpassuit isumalluutissat takullugit kisiannili aamma nunap digitalimik siunissaanut. Kommuneqarfik Sermersooq, Kangillinnguit Atuarfiat aamma Coding Class Danmark suliaannut ilutsilluartumut qutsavigerujussuarpagut”.
Borgmester Charlotte Ludvigsen:
“Ersarilluinnarpoq takullugu, meeqqat kode-imik ilinniarneq suliaminnillu saqqumiinertik nuannarisorujussuugaat. Nuannaraarput TELE-POST-ip aamma Coding Class Danmark-ip Kalaallit Nunaannut sammisaq Kommuneqarfik Sermersooq suleqatigalugu eqqumassuk, neriutigaarput suleqatigiinneq ingerlaqqikkumaartoq, taamaasilluni Coding Class kommune tamakkerlugu siammarterneqarsinnaaqqullugu”.
Atuarfiup pisortaa Laila Lyberth:
“Meeqqanut Coding Class meeqqanut misigisaavoq ilinniarfiulluartoq pisannganartorlu. IT ullumikkut atuartitsinermi pingaarutilerujussuuvoq, taamaattumik nuannaarutigingaarpara sammisaq Kalaallit Nunaannut eqqunneqarmat aamma neriuutigaara atuartitsinitsinni aaliangersimasumik siunissami atuartitsissutaalerumaartoq”.
TELE-POST-ip neriuutigaa Coding Class nuna tamakkerlugu siammarterneqarumaartoq, taamaasillutik meeqqat inuusuttullu koderinermik ilinniarsinnaaqqullugit aamma teknologi atorlugu nutaanik pilersitsisinnaanngussasut.
