CSR-imi Task Force Royal Arctic Line A/S-imi nutaaq

Royal Arctic Linemi umiarsuaatileqatigiit inuiannut akisussaaffiup suliutigineqarnera aamma atuilluartuunermik suliunitit nutaamik uummarissarneqarput, tassani siunertaavoq umiarsuaatileqatigiit CSR-imi iliuusissaq 2012-imeersoq nutaanik ilaartorneqarnissaa.

Tassunga atatillugu CSR Task Force-mik pilersitsisoqarpoq taannalu immikkoortortaqarfinnit assigiinngitsunit inuttalerneqarpoq.
“Suliffeqarfissuartut Namminersorlutik Oqartussanit pigineqartutut pingaaruteqarpoq, inuiaqatigiinnut akisussaaffigut aamma atuilluartuunissaq ukkatarissallugu, tassami inissisimanerput anginerpullu sumiiffinni inuiaqatigiinnut pingaaruteqarpoq aamma suliassanik pingaarutilinnut suleqataasinnaavugut, soorlu ilinniartitsinernut aammalu suliassanut pingaarutilinnut kivitseqataasinnaalluta aamma piujuaannartitsisumik tunngaveqarluni Kalaallit Nunaannut aamma avammut pilersuinermik pilersitsisinnaalluta, tamannalu nuna tamakkerlugu siunnissami ukiorpassuarni iluaqutigissavaa”,
taamatut Head of International Ports and Project-inut pisortap, Daniel Danielsen-ip oqaatigaa. Siunertaavoq iliuusissiap nukittorsarneqarnissaa aamma suliffeqarfissuup piujuaannartitsisumik sulissutigisaanut. Inuiaqatigiinnut akisussaaffeqarneq uninngatiinnarneqanngisaannarpoq, kisianni nutaanik aamma piviusorsiortunik anguniagaqarnissamik pisariaqartitsisoqarpoq, taamaasillunilu suliffeqarfissuup suliaasa suunerinik ersersitsisussamik.

Annertunerusumik paasisaqarusukkuit, Strategisk Projektleder Line Tarp, Pisortap allaffeqarfianiittumut attaveqarit oqarasuaat: 34 91 04, e-mail: lint@ral.gl