QAQISA pillugu suleqatigiinnissamut isumaqatigiissut

CSR Greenland, Nuna Tamakkerlugu Ilitsersuisarfik, Ilinniartitaanermut Aqutsisoqarfik, Kalaallit Nunaanni kommunit tallimat atuarfeqarnermut ingerlatsivii aamma Ilinniartitaanermut, Kultureqarnermut Ilageeqarnermullu Naalakkersuisoqarfik atuarfik ukkataralugu peqatigiinnissamik isumaqatigiissusiorput.

Siunertarineqarpoq atuarfimmi suliniutit pillugit kajumissaarinissaq aamma tapersiinissaq, QAQISAmik suliniuteqarneq tunngavigalugu atuarfimmik suleqateqarnerup, ilitsersuisarnerup inuussutissarsiornerullu nukittorsarnissaa. QAQISA atorlugu suleriaaseq peqataassaaq atuartut atuarfimmik nangitsinerminni amerlanernik piginnaasaqalernissaannut ilinniaqqinnissartillu pillugu tunngaveqarluartumik toqqaasinnaanngornissaannut.