GrønlandsBANKEN kisitsisit pillugit meeqqanut atuakkiorpoq

GrønlandsBANKEN meeqqat atuagaanik saqqummersitsivoq qulequtaqarporlu ”Appa aningaaserivimmut pulaarpoq”, universimi inuttaasut tamarmik uumasuullutik. Oqaluttuaaqqami Appa-p atuaqatinilu aningaaserivik pulaarpaat, aningaaserivimmilu aataap immikkoortortaqarfiit alakkartippai: saaffiginnittarfik, callcenter aamma siunnersortit. Appa-p atuaqatinilu pisortaq aamma naapippaat. Oqaluttuaaraq suliniut Qaqisa aallaavigaa, atuarfiit suliffeqarfinnut pulaartarneranut tunngasoq.

Atuagaq 5-6 ukiulinnut tulluarsagaavoq, oqaluttuaararlu meeqqanut apeqquteqartarpoq titartakkani assigiinngitsut qanoq amerlatiginersut, kisitsisillu sorliit ilisarisinnaaneraat.

“Aningaaserivik ukiuni arlalinni inuusuttunut, inersimasunullu aningaaserinermik paasinninnissaq suliniutiginikuuaa, neriuutigaarpullu soorlu unnukkut innalernermi atuffassinermi atuagaaraq meeqqanut mikinernut kisitsisit pillugit ilikkagaqartitsisinnaassasoq”, Aqutsisoqarfimmi pisortaq Carsten Th. Pedersen taamak oqarpoq.

Atuagaaraq 2020/2021-mi 1. klassemi atuartunut tamanut nassiunneqassaaq.