Nuummi ulluni arfinilinni piujuartitsineq pillugu ilinniarnermut isumassarsiorfiusumut peqataagit

Nunarsuarmi anguniakkanut, CSR-imut, ESG-imut aamma piujuartitsinermut sammisumik aaqqissuussinermi ingerlatsinermut aqutsinermullu ilinniarit!

Kalaallit Nunaanni piujuartitsinermut piginnaasat piumaneqarnerat aatsaat taamak qaffasitsigipput – suliffeqarfiit akornanni aamma pisortat ingerlatsivianni.

Ilinniarneq ilusilersugaavoq apeqqutaanani suliffeqarfimmiinnersutit, Namminersorlutik Oqartussani imaluunniit kommunini imaluunniit ingerlatsivimmi.

Tamakkiisumik ulluni qulingiluani pissarsiarisassatit tassaapput teoriimut tunngasumik tamakkiisumik isiginninneq aamma periusissiornermi sakkussanut ilinniartinneqarneq, iliuusissat eqqortut ilusilersornissai aamma suliniutisi nalunaarusiornissai – saniatigullu kalaallit suliffeqarfiutaanniit aamma nunani avannarlerni suliffeqarfinniit sulinissinnut isumassarsiassarpassuarnik aallerfigisinnaasasi ilanngullugit!

Ilinniarnermik ingerlatsisimasut piujuartitsinermut ambassadørit 75-it sinnerlugit pigivagut. Tallimassaat ilinniarneq ingerlanneqalerpoq, taamaasillunilu Kalaallit Nunaanni piujuartitsinermut attaveqarfik nukittooq alliartornerulerpoq.

Ilinniartitsinerup qaffasissusaa CBS Executive-mi MBA-nut ilinniarnernut qaffasitsigivoq, taakkunanilu Anne Mette ukiorpassuarni ilinniartitsisarnikuuvoq.

Ilinniarnerup immikkoortoq siullermi Nunarsuarmi anguniakkat, CSR, ESG aamma piujuartitsineq pillugu toqqammaviliilluartumik tamakkiisumik ilisimasaqalissaatit, ukununnga ukkatarinnittunik:

• Piujuartitsinermut, Nunarsuarmi anguniakkanut, CSR-imut aamma ESG-mut tunngasunik taajuutinik aamma teoriinut paasinninneq
• Tunngaviusut pingaarnerpaat aamma sammisami sinaakkutaasut ilisimasaqarfigilerlugit aamma sulinermi qanoq atornissai paasisaqarfigalugit
• Piujuartitsinerup iluani pingaarnersaat paasisaqarfigalugit – silap pissusia, avatangiisit, inuit piginnaatitaaffii, sulisunut atugassarititat aamma peqquserlulluni iluanaarniarnerup akiorniarnera
• Suliffeqarfiup tigussaasumik qanoq avatangiisit, silap pissusaa, inuit pisinnaatitaaffii, sulisunut atugassarititat aamma peqquserlulluni iluanaarniarnerup akiorniarnera suliniuteqarfigissanerlugit ilisimasaqarfiginerulerlugit – aamma ilissi sulinissinni sammisat suut pingaarnersaajunersut nassaarinissaat
• Aarlerinartunik nalilersuinermi aamma periusissiornermi periarfissanik malersuinermi piujuartitsineq tunngavigalugu suliaqarsinnaaneq

Ilinniarnerup immikkoortoq aappaani ukkatarineqassaaq qanoq ilillusi periusissiornermi Nunarsuarmi anguniakkat, CSR aamma piujuartitsineq sulissutigisinnaanerisi, aamma qanoq iliuusissasi,uuttortaatissasi aamma siuariartornersi nalunaarusiornissaa ilusilersorsinnaanerlugit sammineqassapput.

Ukkatarineqartussat tassaapput:

• Piujuartitsineq eqqarsaatigalugu suliffeqarfissi qanoq sunniuteqarnera ersarissarlugu aamma misissoqqissaarlugu, aammalu suna pingaarnerpaatut sulissutigissallugu nalilersorlugu
• Ilissinnut soqutigisaqartut piumasaqaataat aamma naatsorsuutigisaat paasillugu – aamma paasisimasat atorlugit suliniuteqarnissaq aammalu nalunaarsuinermi eqqortut nalunaarsornissaat
• Suliffeqarfissinnut isumaqartumik aamma soqutigisaqartut piumasaqaataannut naatsorsuutigisaannut tigussaasunik aallarnisaanissamut ilusilersuineq naammassinninnerlu
• Anguniakkanik uuttortarneqarsinnaasunik (KPI) inissititserineq aamma suliniutissinnut anguniakkanik aalajangiineq
• Piujuartitsinermut nalunaarusiornermi piumasaqaatit paasisaqarfigalugit aamma piujuartitsinermut ESG-mullu nalunaarusiornermi periarfissat assigiinngitsut iluanni
• Suliniutisi oqaluttuarinissaannut isumassarsiorlusi soorlu attaveqaatinut allanut soorlu kanalit arlalitsigut, inuit attaveqaatikkut naapittarfianni, nutaarsiassatigut, nittarsaassinermut atortutigut assigisaannullu

Akia: 29.900 kr. Akianut ilaavoq ullut arfinillit ilinniartitsineq, ilinniarnermut atortussat (atuakkat danskisoortut marluk ilanngullugit), ilinniartitaaneq qaffasittoq, ullup qeqqasiornerit tamaasa aamma Københavnimut paasisassarsiorluni angalanermut pissanganartumut peqataanissamut periarfissaq. Kingusinnerpaamik peqataanissamut nalunaarfissaq 1. februar 2022 uunga csr@csr.gl