Inuummarissaasut naapeqqittut
Suleqativit akornanni suliniutit peqqinnartut sorliit nuannarineqarneruppat? Qularnanngilaq Inuummarissaasut 47-t, suliffeqarfinnit 22-nit, inuummarissaasutut pikkorissarnerup aappaani naapimmata suliffeqarfimmi peqqissuseq siuarsarniarlugu oqaluttuanik misilittakkanillu nuannersunik eqqartorsimagaat.
Inuummarissaasutut ilinniarneq najukkami suliniuteqarneruvoq ukiut pingasut ingerlaneranni piareersaatitut sammineqartoq: Suliffeqarfiit Peqqissut suliffeqarfinni peqqinnermik ilorrisimaarnermillu tapersiinissamik siunertaqarpoq. Suliffeqarfinni annertuumik peqqinnerulerniarnissamik suliniuteqarneq suliffeqarfimmi pisarpoq, tassani Inuummarissaasut suleqatit ilorrisimaaleqqullugit ileqqut peqqinnartut ajunngitsullu pilersittarlugillu aalajangiusimaniartarpaat.
Suliffeqarfiuniaraanni peqqinnartoq sammisat pitsaasut aalajangiusimaniarnissaat ukkatarineqartuarnissaallu pisariaqarpoq. Taamaattumik suliniummi qulequttat aqutsisunit tapersersorneqarneq, sammisamik aqutsineq, allannguutinik aqutsineq, tamatuma saniatigut peqqinnerlu ilorrisimaarnerlu annertusarlugit ilisimasanik piginnaanernillu ineriartortitsineq sammineqartarput.
Inuummarissaasutut pikkorissarneq, immikkoortoq 2 Nuummi 13.-14. september aamma Maniitsumi 18.-19. september ingerlanneqarpoq. Pikkorissarnerup immikkoortua siulleq september 2017-imi ingerlanneqarpoq.
