CSR-imi periusissiaq 2020-202x
CSR Greenlandip maanna periusissiaa 2020-mi atorunnaassaaq. CSR Greenlandimi siulersuisut periusissiamik nutaamik suliaqarneq aallartippaat.
Periusissiap ingerlanneqarnerani ilanngutassiinissamut, tassungalu ilanngullugu suliassaqarfiit sorliit CSR Greenlandimit siunissami salliutinneqassanersut pillugu siunnersuutinik saqqummiussinissamut ilaasortat CSR Greenlandimit aggersarneqarput. Tamanna suleqatigiissitat ataatsimeeqatiginerisigut pivoq, ilaasortat ikitsuinnaat peqataasussatut aggersarneqarlutik. CSR Greenlandip maanna inissisimanera suliaalu pillugit apeqqutit arlallit akissuteqarfiginissaannut tamarmik qinnuigineqarput. Soorluttaaq CSR Greenlandip peqatigiiffittut suut nukittussutiginerai, sanngiissutiginerai, periarfissarinerai sorsutassarineraalu pillugit ilaasortat naliliinissaminnut periarfissinneqartut.
CSR Greenlandimi siulersuisut ulloq 10. septemberimi ataatsimiinnerminni periusissiamik suliaqarnermut ilanngutassiissapput aammalu periusissiamik nutaamik suliaqarneq ukiap ukiullu ingerlanerani ingerlatiinnarneqassalluni. Pilersaarutit malillugit siulersuisut periusissiamik nutaamik akuerineqartussamik 2020-mi ataatsimeersuarnermi saqqummiussissapput.
