CSR Greenland Oslolialerpoq
Ulluni 24. – 26. Oktober 2019 saliinermik ataqatigiissaarisut Europameersut nunanilu kangianeersut Oslomi attaveqatigiit ataatsimeersuarneranni naapissapput. Ataatsimeersuarnerup qulequtarissavaa nunani tamalaani sineriannik saliinerit.
Saliinermik suliniutinik suliaqarnerup ilaatut CSR Greenland aggersarneqarpoq Ocean Conservancy’s International Coastal Cleanupimit (ICC) 2019-imit Europe & Middle East Regional ICC Symposiumimut.
Ocean Conservancyp International Coastal Cleanupip (ICC) ukiut 35-t sinnerlugit aaqqissuunnerani suleqatigisat nunarsuarmit tamaneersut suleqatigisimavai. Ukiut tamaasa septemberimi arfininngornerit pingajuanni namminneq piumassutsiminnik peqataasut hundrede tusindilippassuit nunarsuaq tamakkerlugu saliinermi peqataasarput aammalu imaani eqqakkat nunarsuaq tamakkerlugu sunniutaat ilinniarfigalugit. Paasissutissat namminneq piumassutsiminnik katersorneqartut atorneqarsimapput NGO-nit, naalakkersuinikkut aalajangiisartunit, atuartitsisunit aammalu inuiaqatigiit peqataalersinniarlugit suliffissuaqarnermi aallarnisaasut, naalakkersuinikkut allannguinissamik aallarniissutaallutik aammalu imaani eqqakkat ikilisarniarlugit aaqqiissutissanik paasissutissiisarnermut.
Norgemi Our Ocean Conference peqatigalugu Europami nunanilu kangianeersuni ICC-mik ataqatigiissaarisut tamaasa katersuutsinneqarniarput. Nordic Coastal Cleanupimik attaveqatigiit aamma aggersarneqarput, taakku Keep Norway Beautifulimit aamma CSR Greenlandimit ilaaffigineqarlutik.
Ocean Conservancyp attaveqaatit annertusarnissaat sulissutigiuaannarpaa, namminneq piumassutsiminnik ikiuuttoqanngippat International Coastal Cleanup iluatsissinnaanngimmat. Ataqatigiissaarisut attaveqatigiit sillimmatit aqqutigalugit tapiiffiutinik, ICC-p atortussaataanik tamanik atuisinnaanermik, tapiissutitut programinik allarpassuarnillu pissarsiaqartarput.
Ataatsimiinnermi anguniakkap imarai:
Saliisarneq ukiunik 35-nngortorsiorlugu nalliuttorsiorneq
Naalakkersuinikkut atortulersuutit ineriartuutaasussat pillugit oqallinneq
Nunarsuup immikkoortuanit tamarmit periusissanik pitsaanerpaanik avitseqatigiinneq
Saliinermi suleqatigiit nunap immikkoortuini attaveqatigiit akornanni ataqatigiissaarinerunissamut attaveqatigiinnerunissamullu isumassarsiorneq.
