Sisimiuni Meeqqat oqartussaaqataanerat
Sisimiuni Meeqqat oqartussaaqataanerat misiliutitut suliniutaavoq, anguniagaalluni meeqqat najugaqarfimminni atukkaminnut sunniuteqaqataasinnaalernissaat aalajangersaaqataasinnaalernissaallu.
INI A/S-imit suliniummilu aqutsisumit Stine Konradimit Konradi – Liv i og mellem husenemeersumit, Danmarkimi meeqqat oqartussaaqataanerannik ingerlatsinikkut misilittagaqarluartumit, suliniut ingerlanneqarpoq. Suliniut illoqarfimmiunit tapersersorneqartorujussuuvoq, ilaatigut suliniummi suleqataallutik Qeqqata Kommunia, Nalunnguarfiup Atuarfia Sisimiunilu politiit.
Februaarimiillu meeqqat oqartussaasut sammisaqartinneqarnerat aallartinnikuuvoq. Siullermeerlutillu meeqqat oqartussaasut ataatsimeeqqammerput. Ataatsimiinnerminni najugaqarfitsik qanoq ilillutik pitsanngorsassallugu siunnersuusiornikuupput. Aaqqissuussami ataatsimiinnissaq sioqqutitsiarlugu ingerlanneqartumi angalaarlutik assilisaareqatigiikkamik, meeqqat oqartussaasut najugaqarfimmik eqqaanni suut pitsanngorsarneqarsinnaanersut assilisaarnikuuaat, ukkatissallugillu aalajangiussimasaat tassaapput eqqagassat, titartukkat/aserorterinerit kiisalu isumannaatsumiinnissaq.
Novemberimi meeqqat oqartussaasut ataatsimeeqqissapput. Tassanilu ataatsimoorlutik aalajangissavaat suut siunnersuusiaminni suliarineqassanersut piviusunngortinniarneqassanersullu.
Attaveqarfissat: Birgithe Christensen aamma Martina Sommer, kommunikation@ini.gl