Acceleratorimik ingerlanneqartoq nutaaq, atuilluartuunissamik ukkassisoq aamma Nunarsuarmi anguniakkat aallartinnerat

Greenland Holding, Mælkebøtten, Royal Arctic Line aamma Maniitsumi Peqqissaavik piujuaannartitsisumik kiisalu nunarsuarmi anguniakkat pillugit suliniutitik annertusarniarpaat!

CSR Greenland-ip pikkorissaanerani ’Accelerator-imik’ taaguuteqartillugu ingerlataanut peqataapput, suliffeqarfiit qaammatit ikittunnguit atorlugit suliniutiminnut immersorneqassappat, ataasiakkaarlutik siunnersorneqassapput kiisalu annertuumik isumassarsioqatigiissallutik.

CSR Greenland-ip oktoberi qiteqquttoq acceleratorimik ingerlatsinermi aappassaa aallartippaa, suliffeqarfiit ikiorniarlugit, taamaasillutillu piujuaannartitsisumik sammiveqarluni suleriaaseq aammalu nunarsuarmi anguniakkanut suleqataanissaat peqataatinniarlugit. Modul-it sisamat ullup affaanik sivisussusilerlugit sukumiisumik suliaqarnissamut agguarneqarsimapput, suliassarineqarlutik qulaajaaneq, ineriartortitsineq, suliniutinillu uuttuinerit. Naapittarnerit akornanni suliffimmi ’suliassat’ aaqqissuulluagaasumik alloriarnissaat sulinissaallu eqqarsaatigalugu, CSR Greenland-ip allattoqarfianik siunnersorneqarnissaq periarfissaavoq. Ukioq kingulleq assinganik ingerlatsisoqarmat suliffeqarfiit uku peqataapput Qalut Vonín, Sikuki, INI A/S, TELE-POST, Kommuneqarfiik Sermersooq aamma Asiaq, taakkualu nunarsuarmi anguniakkanut tunngasunik suliaqarneq sunniuteqarfigisinnaasatik sammivaat.

Peqataanissat angumerinngitsoorpiuk? – taava upernaaru 2021-imi aallartittussat nakkutigikkit!