Nunarsuarmi anguniakkat nalaanni aqutsineq
”Allannguiniarnerit annertuut annertuumik allannguinissamik piumasaqarfiupput”. Taanna qulequtaralugu aqutsinermut – aamma Nunarsuarmi piujuaannartitsinermik anguniakkanut ilisimasalik Professor Steen Hildebrandt Kalaallit Nunaanni VL-imut ataatsimiinnerini saqqummiivoq.
Tamatta piujuaannartitsisumik suliniuteqarnissarput pisariaqarluinnartoq, nunarsuarput innarlissanngikkutsigu Hildebrandt-ip erseqqissaatigaa. Taamatut ileqqoqarnissaq inuiaqatigiinnut annertuumik allannguinissamik piumasaqaatitaqarpoq, minnerunngitsumillu suliffeqarfinnik ingerlatseriaatsinut – suliffeqarfinnimi allannguisoqanngippat piujuaannartitsinngitsumik ingerlaaseq maanna atugaasoq allanngortinneqarsinnaanngilaq. Piujuaannartitsinerup isumaa aammalu imarisai paasiuminaanngitsut erseqqissaatigaa:
”naatsumik oqaatigalugu suliffeqarfittut ullumikkut suleriaasersi allanngortinnagu, siunissami sunniuteqarnerlunngitsumik ingerlassinnaaviusiuk? Taamaanngippat, taava ullumikkut aamma piujuaannartitsisumik tunngaveqarsimanngilaq.”
VL-imi eqimattaq pisortanik 30-inik amerlanerusunik ilaasortaqarpoq, taakkua namminersortuneerput pisortallu ingerlatsiviineersuullutik, ukiup kingulliup ingerlanerani piujuaannartitsisumik ingerlatsineq pingaarutilittut sammineqarnerata takutippaa Kalaallit Nunaanni pisortat annerujartuinnartumik piujuaannartitsisumik ingerlatsineq aamma sammilersimagaat.