Nukissiorfiit suleqatigineqartut: Biilit innaallagissamoortut immertarfissaat nutaat
Maannakkut piffissamilu aggersumi innaallagissamoortunik- hybridinillu biilinik piginnittut innaallagissamik biilimik pilersornissaat ajornannginnerulissaaq. Kommuneqarfik Sermersooq aamma Nukissiorfiit peqatigiillutik sukkasuumik immiiffissanik tallimanik Nuummi pilersitsisimapput.
Immiiffissani biilit marlukkaarlutik immiisinnaapput, tassani Nuummi innaallagissamoortunik – hybridimillu biiliisa 725-iusut iluaqutigilluagassaannik. Kommuneqarfik Sermersuup borgmesteriata Charlotte Ludvigsen-ip ineriartorneq taamaattoq aamma nuanarivaa:
“Klima nunarsuarmi anguniakkanut iliuusissanut qitiulluinnarpoq. Taamaattumik aamma kommunimi, biilit amerlasuut innaallagissamoortunut taarsersimavagut. Neriuutigaarput immiisarfiit nutaat amerlanerusut biilinik avatangiisinut mingutsitsinnginngitsunut nuunnissaminnut kajumilersikkumaaraat, taama oqarpoq Charlotte Ludvigsen.”
Nukissiorfiit suleqatigiinneq aamma nuannaarutigaat ”Biilit innaallagissamoortut” siunissaapput, aamma qujanartumik Kommuneqarfik Sermersuup pitsaasumik suleqatigilluarneratigut sukkasuumik immiiffiit nutaat peqqutigalugit biilit innaallagissamoortut – aamma hybridit toqqarnissaat ajornannginnerulerlunilu pilerinarnerulerput. Taanna annertuumik CO2-imik Kalaallit Nunaata aniatitsineranut annikkillisaataassaaq,” oqarpoq Kaspar Mondrup, Nukissiorfinnut nukissiornermut pisortaq.
Immiiffissat pingasut Nuuk Centerimi inissinneqarput, tassani biilit qulingiluakkaat immerneqarsinnaanissaat pisinnaanngorluni, allat marluk Brugsenip pisiniarfiisa eqqaanni Nataliemi Qinngorpumilu ikkunneqassapput. Taassuma avataatigut ukiup ingerlanerani sukkasuumik immiutit privatinut suliffeqarfinnullu attartorneqarsinnaasut neqeroorutigineqassapput.
