Atornikunik pisiniarfik nutaaq, Atoqqik

Nuummi eqqakkanik tigooraaviup Atoqqik tikilluaqquaa, atornikunik pisiniarfik nutaaq ikuallaaviup eqqaaniittoq, pequtinik atornikunik tuniniaasartoq pilersinneqarpoq. Igitanik ikuallaavik pequtinik amerlasuunik pissarsisimapput, pitsaassusii ajunngitsorujussuit, igiinnarneqarnissaminnut pitsaavallaartut. Ilaat soorlu atorneqarsimanngitsutut isikkullit. Taamaattumik Kommuneqarfik Sermersuup illoqarfiup atoqqiinermik annertuumik kulturianut suli annertunerusumik tapersersuinissaminut kissaateqarpoq.

Borgmester Charlotte Ludvigsen Nuup atornikunik pisiniarfittaavata Atoqqiup ammanerani peqataanermini malunnartumik nuannaarpoq, tassani atoqqiinerup pingaaruteqarnera oqalugiutigaa aamma pigisimasanik nuannarisimasanik ingerlatitseqqiinerup kusanassusianik oqariartuuteqarpoq.