QAQISA – ingerlalluarpoq
QAQISA illoqarfinni ukunani ingerlavoq; Nanortalik, Narsaq, Qaqortoq, Paamiut, Nuuk, Maniitsoq, Sisimiut, Aasiaat, Kangaatsiaq, Qasigiannguit, Qeqertarsuaq, Ilulissat, Upernavik, Uummannaq aamma Qaanaaq.
2021 Tasiilaq peqataalernerani tikilluaqquarput.
Kommunit tallimat, Ilinniartitaanermut Naalakkersuisoqarfik, Ilinniartitaanermut Aqutsisoqarfik, Nuna Tamakkerlugu Siunnersuisarfik kiisalu CSR Greenland atsioqatigiillutik suleqatigiinnermikkut QAQISA ikorfartorpaat.
Piffinni tamani inuusuttut pillugit suliniummut anguniakkanut kajumissuseqarneq piumassuseqarnerlu naammattuugassaavoq. Suli amerlanerit meeqqat atuarfianniit naammassereernerup kingorna ilinnigaqarneq toqqarparsuk, suli ajunnginnerussaaq.
Siunissami inuusuttut suliffissaqarnissamik sinnatuat suliffeqarfiit QAQISA-mut peqataanerat aqqutigalugu ersarissarneqarpoq.
QAQISA soqutigineqarpoq
CSR Greenland QAQISA pillugu – soqutiginnittut assigiinngitsunut politikkikkut suliaqartut, kattuffiit, NGO’t, suliffeqarfiit, atuarfiit allallu inuusuttuaqqat ilinniakkamik toqqaanissaanik soqutigisaqartunut saqqummiisapoq.
Peqatigiilluni suleqatigiinneq CSR Greenland-imik pingaartinneqarpoq. Sumiiffigisami atuartut inuussutissarsiornermillu ingerlataqartut akornanni aqqutissiuineq pingaaruteqarpoq, maannakkummi inuusuttuaqqanut suliniuteqarneq siunissami sulisartunngorumaartussanik qulakkeerinnissammat!
