CSR pillugu sulinisuteqarnissamut INI kaammattuuteqarpoq

Ungasinngitsumi INI A/S-p håndværkerinut pisiortorfimminnullu periusertik allanngortippaat, piukkunnartussarsiuussinerit atorunnaarlugit. Tamaginnik kissaataasimavoq suliassatigut INI A/S-mik sullissisarnissat oqinnerusumik pisinnaasassasut.

INI A/S-p håndværkerinut pisisartuminnullu isumaqatigiissusiaminni nutaami ilanngullugu allassimavaa avatangiisit pillugit suleriuseqarnermut, sulinermi avatangiisinut peqquserlullunilu iluanaarniartarnernut akiuisutut CSR-mik politikkimik maleruagassaqaraanni ilannguttarnissaat iluaqutaassasoq. CSR-ikkut maleruagassat annertuuliarineqarsimasariaqanngillat persuarsiutaasariaqaratillu. Ilaatigullu makkuuginnarsinnaallutik soorlu linniartuuteqartarnerit, eqqagassanik immikkoortiterisarnerit assigisaaluunniit.

INI A/S namminerisaminik CSR tungaatigut najoqqutassiaqarpoq, taamaattumik INI A/S-mut pingaaruteqarpoq, suleqatigisat inuiaqatigiinnut tapiissutilittut inissisimanissaat. Håndværkerinut pisiortorfigisartakkanullu isumaqatigiissutiminnik allannguinermigut, INIp kissaatigivaa iliuuseqarsinnaasut amerlanerusut inuiaqatigiinnut akisussaaffimmik tigusinissamut iliuuseqaqataanissamullu sunniuteqaqataaffigisinnaanissai. INI A/S taamaaliornermigut CSR eqqarsaatigineqarnerulersippaa.