Saligaatsoq 2021-imut peqataagitsi!
Saligaatsoq tassaavoq ulloq saliiffik, aput aareernerata kingorna sumiiffinni assigiinngitsuni ingerlanneqartartoq. Saligaatsoq nunatsinni ataqatigiissakkamik saliisitsineq anginerpaajuvoq, 2020-imilu illoqarfiit tamaasa nunaqarfiillu arlallit peqataaffigaat. Ullormi saliiffiusumi eqqakkat annertuut katersorneqartarput, taamaasillutalu avatangiisivut minguinnerulernissaanut ataatsimoorluta suleqatigiillutalu anguniassavarput.
Ataatsimoorluni suliniutaasoq
CSR Greenland ilaasortani suleqatigisartakkanilu peqatigalugit Kalaallit Nunaanni illoqarfiit nunaqarfiillu tamaasa peqataannissaannut kaammattuisarpugut. Suleqatigiinnermi tassani sumiiffigisami ataqatigiissarneqartumik inuppassuit saleeqataanissaat qulakkeerniartarparput, taamaasillutalu ataatsimoorluta eqqakkat pinngortitamiit piiartarpagut. Saligaatsoq aqqutigalugu avatangiisitsinnut mingutitsinerup ajornartorsiutaanera eqqumaffiginerulersinniarlugu inuit attaveqaqatigiiffianni ukkatarisarparput.
Sunniuteqarneq
Saliisitsinerit kisimi eqqakkat avatangiisitsinnut pisarnerinut aaqqiissuteqarnavianngillat, kisianni saliisitsinerit inuiaqatigiinni imatut allannguisarput:
– Inuit ataasiakkat ileqquisa allanngornerinut
– avatangiisitsinni eqqakkat pillugit eqqummaariffigisaqalernermut
– Inuiaqatigiit pisortallu ajornartorsiut pillugu iliuuseqartariaqarnermut eqqaasinneqarnermut
Saligaatsoq-mi pingaartinneqartut tassaapput:
- Iliuuseqarneq
- Peqataatitsineq
- Suleqatigiinneq
Ilissi illoqarfissinni imaluunniit nunaqarfissinni qaqugu saliisitsissavisi? Kina ataqatigiissaarisuuva kikkullu pilersaarusioqatigiinniarpat?
Nammineq kajumissusilittut, eqimattatut, peqatigiiffittut suliffeqarfittullu Saligaatsumut peqataanissassinnut tikilluaqqusaavusi. Sumiiffigisanni ataqatigiissaarisunut ilanngutigit imaluunniit sumiiffigisat peqataanngippat ataqatigiissaarisussanik pilersitsigit.
Tamatta najugaqarfigisarput ataatsimoorluta saligaatsuutitsigu.
Pilersaarusiornissamut ilitsersuut uani aajuk: www.csr.gl
CSR Greenland attavigiuk:
Email: csr@csr.gl
Oqarasuaat: +299 36 37 18
