QAQISA
QAQISA atuarfiit suliffeqarfiillu ataqatigiilersinneqarnissaanut suliniutaasoq suliniummi ukioq kingulleritinneqartoq ingerlanneqarpoq.
Ukiumi atuarfiusumi 2020/2021-ip naammassinerani angajullerni atuartut illoqarfinni atuarfiusuni 22-iusuni 21-vit QAQISA nalilersorneranut peqataapput.
Atuarfiit tamarmik immikkut pillugit nalunaarusiat piareeqqapput sommerferiallu kingorna atuarfinnut pineqartunut immikkut aamma sumiiffinni QAQISA-mi pilersaarusioqatigiinnut nassiussorneqassapput.
Inuusuttut amerlanerit ilinniaqqinnissaannut suliniummi pingaaruteqartumi suleqataasinnaasut amerlanerusut peqataatikkumallugit CSR Greenlandip QAQISA suleqatigiiffittut nutaatut ingerlateqqissallugu sulissutigaa.
Kingusinnerusukkut CSR Greenlandip QAQISA suliniut nutaatut saqqummiunnissaanut qilanaarpoq.
