Nannut marluk ilisimaneqartut akisussaassuseqartullu
KNI-ip logoa Kalaallit Nunaanni takussaanersaat ilagaat suliffeqarfillu annersaannut ilaalluni, innuttaasut nioqqutissanik, atuinermi iluaqutissanik orsussamillu pilersugarivai.
Polaroil aqqutigalugu KNI-ip nunaqarfiit tamaasa ikummatissamik imerpalasumik pilersuivoq.
Niuerfik Pilersuisoq niuerfinnik 64-inik ingerlatsivoq aamma KNI Engros Kalaallit Nunaat tamakkerlugu suliffeqarfinnut nioqquteqarpoq nassiussuisarlunilu.
Suliffeqarfik sumiiffinni qitiusumik inissisimavoq tamannalu akisussaaffimmik annertuumik pisussaaffiliivoq. Inuuniarnermi pisariaqartitat apuunnissaat kisimi pisussaaffiginagit, kisianni aamma piujuaannartitsisumik aallaavilimmik ineriartornissamut taperseeqataanissamut pisussaaffiliisumik.
KNI-ip CSR-imi peqqinnissamut, avatangiisinut aamma ilinniarnermut suliniutaasuni aqqutigalugit akisussaaffik taanna qulakkeertarpaa.
KNI suliffeqarfiit aqqaniliusuni CSR Greenlandip suliniutaani IPUK-mi peqataavoq, niuernermilu qitiusumik ingerlatsinerminni piujuaannartitsineq aallaavigalugu periusissiornermi kivitsinissaq assut sulissutigivaa.
1774-imi Den Kongelige Grønlandske Handel (KGH) pilersinneqarmalli KNI-ip oqaluttuarisaanera aallartippoq, taamaattumillu Kalaallit Nunaata oqaluttuarisaanerani pingaaruteqartutut inissisimalluni.
Illoqarfinni nunaqarfinnilu niuerneq aallaavigalugu ingerlatitsiviusinnaanngitsuni KGH-ip suliassarisimavaa inuiaat kalaallit nioqqutissanik pilersornissaanut. KNI-ip suliassaq taanna pingaarnertut suli naammassisassarivaa. Ullumikkulli suliffeqarfiup suliai pisisartut piumasai malillugit sumiiffimmilu pissutsit sunneeqataaneri malillugit ingerlatsisoqarpoq.
