Kalaallit Nunaat digitaliusoq piujuaannartitsinermik ineriartortitsivoq

Innuttaasut nunarsuarmi qeqertami annersaanni siammasissumik najugaqartut 50.000-uvugut, taamaattumillu paasissutissat, niuerfiit sullissiviillu iserfigisinnaajumallugit internetimut attaveqarnissarput pisariaqartipparput.

Ullumikkut innuttaasut quliugaangata qulingiluat internetimut sukkasuumut attaveqartarput, ukiullu ataatsip ingerlanerani kangiani sukkassuseq attavillu annertunerusoq atuutilissaaq.

Namminersorlutik Oqartussat ingerlatseqatigiiffiutaat tusass angissusaat siammasissusaallu eqqarsaatigalugu Kalaallit Nunaanni qitiulluinnartumik inissisimapput. Suliffeqarfik aqqaniliusuni maligassiuisuni suliniummut “IPUK – piujuartitsineq aallaavigalugu ineriartorneq” peqataapput, Industriens Fond-imit aningaasalerneqartumit, CSR Greenlandimiillu ingerlanneqartumit.

tusass-ip suliffeqarfimmik ingerlatsinerminnut CSR aamma piujuartitsineq ukkatarineruleriartorpaat.

Digitalinngortitsinikkut suliffeqarfik inuiaqatigiinnut tamanut anngunnissaminnut periarfissaqarput nioqqutigisatillu atorluarneqarnissaannut ineriartorteqqinnissaannut periarfissaqarlutik soorlu ungasianiit nakorsiarnermut, atuartitsinermut aamma ilinniarnermut. Taamaasillutillu Kalaallit Nunaanni inuiaqatigiinni aamma piujuartitsineq aallaavigalugu ineriartornermut taperseeqataasinnaanngussallutik.

Assersuutitut taaneqarsinnaavoq tusass-ip suliniutaa “coding class”, Kommuneqarfik Sermersooq suleqatigalugu pilersinneqarsimasoq, meeqqat atuarfianni atuartut nammineerlutik digitaliusumik nutaaliornermik aaqqiissummik nassaassarsiortinneqartassapput namminerlu kodelersorlugit. Suliniut nunarsuarmi anguniakkamut 4-mut toqqaannartumik atassuserneqarsinnaavoq, taannalu pitsaasumik ilinniarnermut tunngassuteqarpoq, Kalaallit Nunaallu aningaasaqarnikkut piujuartitsineq aallaavigalugu ineriartornissamut tunngavissaalluarluni.

CSR Greenlandip nuannaarutigivaa 7. klassimi atuartut suliniutiminnik – naqqaniit sanasimasaminnik nunarsuarmi anguniakkanut ukkatarinnittunik digitaliusunik pinnguaatinik – saqqummiisut pulaarsinnaasimammagit – assut kakkaginaqaat.

tusass malinnaaviginissaa aamma nunarsuarmi anguniakkat ulluinnarmut qanoq pulatissaneraat pissanganarpoq.

@Tanja aamma @Ayia nersualaartigit, suliffeqarfiup piujuartitsinissaanut qasujaallutik sulissuteqarmata.