Kalaallit Nunaanni akisussaassuseqartumik piujuartitsisumillu aatsitassarsiorneq

Nunarsuup ilaani aatsitassarsiorfiit tunngaviusumik inuit piginnaatitaaffiinik naammassinnginnerannut pasineqartarnerat pissutigalugu, aatsitassarsiorneq tamatigut tusaamanerlunneqartarpoq.

Greenland Ruby aatsitassarsiorfittut assersuutitsialaavoq, akisussaassuseqartumik piujuartitsisumillu aatsitassarsiornermik ingerlatsisutut ilisimaneqarnerat.

Suliffeqarfik CSR Greenlandip suliniutaani “IPUK – piujuartitsineq aallaavigalugu ineriartorneq”, Industriens Fond-imit aningaasalerneqartumit suliffeqarfiit aqqaniliusuni peqataasuuvoq maligassiuisoq.

Aappaluttumi aatsitassarsiorfik minnerpaamik ukiunut qulinut rubininik safirinillu aatsitassarsiornissamut naammattunik peqarpoq aammalu Greenland Ruby mineralinut marlunnut allanut suli misissorneqartunik akuersissummik peqarpoq.

Aatsitassarsiorfiup piujuartitsineq ukkatarivaa, ataavartumik nukissiornermik attuumassuteqartumik aamma sumiiffigisami pinnersaasiornermut ilinniarfimmik pilersitsinissamut tunngasumik, taamaasillunilu sumiiffigisami aningaasaqarneq aamma najugaqartut ilinniarnissaannut tapeeqataassalluni.

Qitiusumik suliamut piujuartitsineq atuutilernissaa compliance officer-iusup Thorbjørn Friis-ip akisussaaffigaa.