Nuuk alliartorpoq

Nuummi sumi tamaani sanaartortoqarpoq, inuttussuserlu 2030-ip tungaanut 17.000-miit 30.000 missaanut  qaffannissaa naatsorsuutigineqarluni. Taamaattumik inissianik, meeqqerivinnik, atuarfinnik, atortulersuutinik il.il. pisariaqartitsisoqarpoq.

Timmisartoqarfik allilerneqarpoq, sullorsuaq allilerneqassaaq nutaarlu inissiaqarfissanut nutaanut  pilersaarusiorneqarluni.

Betoni annertooq pisariaqartinneqarpoq taamaattumillu Betoncentralen ApS-ip malinnaasinnaanissaa aaliangiisuulluinnarluni.

Taamaasiorsinnaappullu.

Suliffeqarfiup eqqannguani betonit katitertakkat kuineqannginneranni, manngersillugillu panerserneqannginneranni cementilu sanaartorfinnut assartorneqannginneranni qaarsuit qaartillugillu aserorterneqartarput.

Suliffeqarfiup aaliangiusimaqqissaarpaa piujuartitsissumik aallaaveqartumik ingerlatsinissaq  aammalu siunissami piumasaqaataalersussanut aaqqiissutissanut nalimmassarnissaq. Taamaattumik BetonCentralen siunissartik qulakkeerumallugu aamma niuernertik nukkassarniarlugu suliffeqarfiit aqqanillit siuttuusut akornanni suliniuteqartuuvoq nunarsuarmi anguniakkat atorlugit imminnut qaffassarniarlutik sulissuteqartut. Taannallu CSR Greenlandip suliniutaa IPUK aqqutigalugu ingerlanneqarpoq, suliniullu GrønlandsBankenimiit Greenland Holding-imiillu peqatigineqarpoq, Industriens Fond-imiillu aningaasalerneqarluni.

Tommy Ege KristensenLL.M. Anne Mette Erlandsson Christiansen; Nanna Nyholm Ulla Lynge
#ipuk #bæredytighed #verdensmål