Inuplan-ip Kalaallit Nunaanni sanaartortitsinissamut suliniutit piujuaannartitsinissamut sangutikkusuppai
Inuplan A/S Kalaallit Nunaanni suliffeqarfiuvoq Nuummi qullersaqarfeqartoq, sanaartornerup aammattaaq pinngortitalerinerup taavalu avatangiisilerinerup iluani siunnersuisartuusut.
Suliffeqarfik suliniummi ”IPUK – piujuartitsineq aallaavigalugu ineriartorneq” Sulisitsisut aamma CSR Greenland-imiit ingerlanneqartumit, Industriens Fond-imiillu aningaasalerneqartumit, suliffeqarfiit 11-viusuni peqataasuuvoq.
Nunarsuarmi anguniakkat sulinissamut periusissiornermi ilanngunneqarnissaannut annertuumik kissaatigineqarmat aamma piumasaqaataalersimammat suliniut IPUK Kalaallit Nunaanni annertuumik maluginiarneqarsimavoq, aammalu suliniummi siunertamut peqataasut ukkatarinninnerminnik periarfissanut aqqutissiueqataalluarmata.
Ingeniøritut paasisimaqarluartut piujuartitsinermik ukkatarinnittut
Suliffeqarfik ilisimassusermik tunngaveqartumik ingerlanneqarpoq, siunnersuisartullu Kalaallit Nunaanni nunaqavissut 30-it missaanniittut suliffeqarfiup iluani ukiut 50-it sinnerlugit misilittagaqarsimallutik. Nuup ineriartornera sukkasooq ilutigalugu pisortaq Ujarak Rosing Petersen sulisunilu ulapittorujussuupput.
Pisisartuminnullu sullissinerminni ingenøritut sullisseriaaseq pitsaanerpaajunissaannut anguniagaqarput, aammalu pisisartuminnut suliarisartakkatik piujuartitsisumik tunngaveqarnissaat aamma aningaasaqarnikkut nammanneqarsinnaanissaat suliniutigisarpaat.
Ulapaarfiusumi suliffeqarfiusumi suliniutinik amerlasuunik suliaqartartuni aamma ullussarititanik killilinnik amerlasuunik suliaqarfiusumi qitiusumik suliarisanut piujuaannartitsineq eqqunniarnissaa unammillernarpoq. Minnerunngitsumillu Inuplan nunarsuarmi anguniakkat tamarmik aamma anguniakkat immikkoortut ilaat immikkut misissoqqissaarnerannik ukkatarinninnerminni, qanoq suliffeqarfiup ingerlanneqarnerata sunniinera toqqammavigalugu pointilersuinikkut annertuumik iliuuseqarput.
Taamaaliornerat assut torraavoq. Suliniutip naammassinissaata tungaanut minnerunngitsumillu Kalaallit Nunaanni ineriartortitsinissamut suliniutaat malinnaavigissallugit assut pissanganarpoq.
