SULIFFEQARFIIT ARFINILLIT KALAALLIT NUNAANNEERSUT MALERUAGASSAT EU-MEERSUT PILLUGIT SIUTTUUPPUT
EU nutaanik annertuunik ESG aammalu piujuartitsineq pillugu suliffeqarfiit nalunaarusiortarnissaannut maleruagassanik aalajangersaavoq, pineqartut ’Corporate Sustainability Reporting Directive’ (CSRD)-mik atserneqarput.
Maleruagassat Kalaallit Nunaanni (suli) atuutilertinneqanngikkaluartut, nunatsinni suliffeqarfinnut amerlasuunut pinngitsooratik nunani allanik attaveqaqateqarnikkut, aningaasalersorneqarnikkut kiisalu pisisartut piumasaqaateqarnerisigut toqqaannanngikkaluartumik sunnerneqartussaapput.
Taamaattumik suliffeqarfiit arfinillit namminneq kajumissutsiminnik CSRD-mut piareersarlutik aallaaveqartumik pikkorissaqatigiipput. Suliffeqarfiit uku Brugseni, KAIR/ MIT, KNI, Air Greenland, Royal Arctic Line aammalu GrønlandsBANKEN piffissami 2023-2024 pikkorissaqatigiinnermi peqataapput. Peqataasut online-kut arlaleriarlutik pikkorissaqatigiillutik naapisinneqarput, soorluttaaq Nuummi ulluni marlunni sukumiisumik maleruagassanut annertuunut suliniuteqarnissaminnut sungiusartinneqarput. Naapeqatigiilluni pikkorissaqatigiinnissap tullia februarimi Københavnimi ingerlanneqartussami peqataasut paasissutissaatitik, suliniutitik, navialaffiusinnaasut periarfissallu nangillugit sammissavaat.
Suliniutip ’CSRD-mut aqqutip’ siunertaraa suliffeqarfiit maleruagassanut annertuunut tappinnerulernissaannut nalilersuillaqqissinissaannut kiisalu ESG-mi paasissutissat aallaavigalugit pissutsit aammalu siunissami pisinnaasut pillugit nalileeriaatsinik suliffeqarfiit namminneerlutik piginnaasaqarnerulernissaat,- taamaalilluni maleruagassat atuutilerpata suliffeqarfiit nalunaarusiornermi sakkussanik piginnaasaqaleersimassammata.
Suliffeqarfinni piginnaasat pitsanngorsartuarnissaannut anguniagaq CSR Greenland-imut pingaaruteqarluinnarpoq, taamaaliornikkut piujuartitsinermi suliniuteqarnermi ineriartorneq angusallu annertusarneqassammata.
ASSEQ: Pingaarutillit annertuut pillugit Thomas Trier Hansen Rambøll-imeersup Nuummi pikkorissaaneraniit assilisaq
