QAQISA Kommunini tamani!
QAQISA kommunini tallimaasuni pilersinneqarpoq
CSR Greenland ukioq manna aallarnisaalluni kommunini tallimaasuni ingerlataqarpoq, maannalu illoqarfiit QAQISAmut peqataasut tassaapput; Nanortalik, Narsaq, Qaqortoq, Paamiut, Nuuk, Maniitsoq, Sisimiut, Aasiaat, Qasigiannguit, Ilulissat aamma Upernavik. Sumiiffinni peqataatitatut aallartitat atuarfimmeersuupput, inuussutissarsiortuneersuupput aamma atuarfinnik ingerlatsivimmeersuullutik. Sumiiffinni aqutsisutut suleqatigiissitat pilersiortorneqarput. CSR Greenland-ip sumiiffinni QAQISAmut peqataanissamut annertuumik pimoorussineq sulerusussuseqarnerlu malugisimavaa.
CSR Greenland-ip oqarasuaatikkut allakkatigullu sulianik ingerlatsineq sumiiffinni aallarnisaanermik ingerlatsiffiusimasuni suliniummut tapersuilluni ingerlappaa. CSR Greenland-ip, ukiap 2020-ip imaluunniit ukiup 2021-ip aallartilaarnerani illoqarfiit sinneruttut QAQISAmut ilanngutinniarlugit sulissutigaa.
QAQISA-p suli ineriartortinnissaa
Ineriartortitsilluni suliaqarnermi QAQISAp atuisunit atoruminartuunissaa ukkatarineqarsimavoq. Ilinniartitaanermik Aqutsisoqarfik suleqatigalugu tamanna iluatsissimavoq, tassami QAQISAp ilitsersuutaa, filmit aamma attaveqaateqarfissat atuarfiit attaveqaataannut Sharepoint-imut iliorarneqarsimapput.
CSR Greenland Sulisitsisut suleqatigalugit “Praktikbørs-imik” pisariitsumik pilersitsisimavoq, tassani siunertarineqarpoq meeqqat atuarfiini atuartut sumiiffinni suliffeqarfiit atuartunut suliffimmik misiliinissamik neqeroorutit pillugit paasissutissat atuartunut ersarissunngortinneqarmata. Sulisitsisut nittartagaanut atassuteqarfissat sumiiffinni suliffeqarfinnut paasissutissanik imallit Sharepoint-ikkut takuneqarsinnaapput. Suliffimmik misiliiffissat pillugit paasissutissat atuartunut, aqqutissiuisunut aamma ilinniartitsunut pissarsiarissallugit ajornannginnerulerput.
QAQISAmik naliliinissamut suliamut pilersaarummut ilanngussisoqarsimavoq. Naliliineq atuartunit ingerlanneqassaaq, immersugassap apersuutitallip akineratigut, tassani atuartut atuagarsornikkut pisinnaasatik nalilersussavaat, illinniartitaanermi- aamma inuussutissarsiutinut tunngasunut siunnersorneqarnerminni pisarsiatik akissuteqarfigissallugit kiisalu QAQISAp atornerata qanoq pissarsiaqarfigisimanerlugu nalilissallugu. Atuartunit angajullernit 266-init immersugassaq ukiup atuarfiusup 2019/2020 naanerani akineqarsimavoq. Naliliinermut nalunaarusiaq tamakkiisoq 2022-imi naammassineqassaaq.
