Nuuk piujuartitsinerup aqqani
Nuup piujuartitsineq pillugu suliniuteqarnermini allagartalerneqarnissami tungaanut suliniutit ingerlappai. Nuuk illoqarfiit pingaarnersaattut nunarsuarmi siullersaalluni, piujuartitsinermik aallaaveqarluni takornariartarfittut ineriartortitsinermini allagartalerneqarnissaq anguniarpaa. Illoqarfimmut piffissaq pissanganartuuvoq, tamatumami aningaasarsiornikkut siuariartorneq nassatarissammagu.
Sermersooq Business-ip piujuartitsineq aallaavigalugu ineriartortitsinissaq suliaraa. Taanna isumaqarpoq innuttaasut inuuneranni pingaartitat takornariartitsineq aqqutigalu kivinneqassasut, ajorseriartinnagit. Anguniarneqartoq anguniarlugu Sermersooq Business-ip EarthCheck suleqatigaa, taanna allagartaliisarpoq aamma siunnersuisarpoq piujuartitsilluni ineriartortitsinermi nunarsuarmi anguniagakkat aallaavigalugit ineriartortitassatut ornigarneqarsinnaasunut. Suliniutigineqartoq Nukissiorfiit, Naatsorsueqqissaartarfik, ESANI, Visit Greenland, Nuuk Water Taxi aamma Greenland Escape peqatigalugit ingerlanneqarpoq.
Oktober 2020-imi Nuuk ”bronze benchmarking”-imik piujuartitsinissamut allagartalernissamut alloriarneq siulleq pissarsivoq. Naatsorsuutigineqarpoq Nuuk illoqarfiit pingaarnersaattut nunarsuarmi piujuartitsinermik aallaaveqarluni ornigarneqartartussatut 2021-ip ingerlanerani allagartalerneqarumaartoq.
